თბილისი (GBC) - სადაზღვევო კომპანიების (პირდაპირი დაზღვევის საქმიანობის მიხედვით) გამომუშავებულმა პრემიამ (ბრუტო) 571,4 მლნ.ლარი შეადგინა , საიდანაც 38,2% სამედიცინო (ჯანმრთელობის) დაზღვევაზე მოდის.

საქსტატის 2019 წელის ანგარიშით, შემდეგ პოზიციებზეა  ქონების დაზღვევა - 14,8%,  სახმელეთო ტრანსპორტის გამოყენებასთან დაკავშირებული სამოქალაქო პასუხისმგებლობის დაზღვევა - 9,1%, სიცოცხლის დაზღვევა - 7,7%,  უბედური შემთხვევის დაზღვევა - 1,6%.

კომპანიების ზარალი (ბრუტო) 522 მლნ. ლარით განისაზღვრა, რომლის 48,6% ქონების დაზღვევაზე მოდის, 36,3% სამედიცინო (ჯანმრთელობის) დაზღვევაზე, 2,8% - სიცოცხლის დაზღვევაზე, 2,3% - სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, 0,1% - უბედური შემთხვევის დაზღვევაზე, ხოლო დანარჩენი (9,9%) სხვა სახის დაზღვევაზე ნაწილდება.

 ყველაზე გავრცელებულია ჯანდაცვა  და ამასტან ყველაზე ნაკლებად მომგებიანი   - კერძოდ, ამ სეგმენტში მოზიდული 218 მლნ. ლარიდან 189.4 მლნ. ზარალის ანაზღაურებაზე დაიხარჯა.

მოზიდული პრემიების და ზარალის ანაზღაურების შეფარდებით, ყველაზე მომგებიანია უბედური შემთხვევების დაზღვევა - 9 მლნ. ლარის პრემიებიდან კლიენტების სასარგებლოდ მხოლოდ 600 000 დაიხარჯა, რაც არა მხოლოდ ჯანმრთელობის, არამედ დაზღვევის სხვა სახეობებთან შედარებითაც მინიმალურია.