თბილისი (GBC) -  Georgian Huashun International Industrial Investment Group LTD-ი Myway Airlines-ის 100%-იან წილს $2 მლნ-ადPlus Aviation Investment-ს მიყიდის. 

მხარეებმა 1,95 მლნ დოლარის ნასყიდობის ხელშეკრულება გააფორმეს.

საჯარო რეესტრში არსებული მონაცემებით, Plus Aviation Investment-ი 2020 წლის აგვისტოშია დარეგისტრირებული. მისი 49%-იანი წილის მფლობელი ჩინეთის მოქალაქე ჭენგლიანგ ლიუა, 40%-ს სიმონ ჯამბაზიშვილი, 11%-ს კი ამავე კომპანიის აღმასრულებელი დირექტორი რატი ბაკურაძე ფლობს.

ქართულ ავიაკომპანიას Myway Airlines-ს  ევროკავშირის ბაზარზე დაშვებასთან დაკავშირებით გარკვეული პრობლემების აქვს. საქართველო- ევროკავშირს შორის ერთიანი საჰაერო სივრცის შესახებ მოთხოვნებს რომ ვერ აკმაყოფილებდა, ევროპის ქალაქებში რეგულარულ ფრენებზე 2019 წლის ივლისში ეთქვა უარი. 

(ავიანიუსი)