თბილისი (GBC) - შპს „კახეთის თხილმა“ თხილის შენახვის და გაშრობის საწარმო ააშენა.ეს არის ამ ტიპის მე-3 ცენტრი კახეთში და მე-6 მთელი საქართვლოს მასშტაბში.

ახალი საწარმო გათვლილია თხილის 1000 ტონას გაშრობაზე და 500 ტონას შენახვაზე.

საქართველოს სოფლის მეურნეობის სამინისტროს ინფორმაციით,  პროექტი რეალიზებულ იქნება მთავრობის და USAID-ის დაფინანსებით. ერთობლივმა ინვესტიციებმა 250 000 დოლარი შეადგინა - მათ შორის 86 000 დოლარი სახელმწიფო გრანტი იყო,  87 000 დოლარი საშეღავათი არგოკრედიტი, 50 000  დოლარი USAID-ის გრანტი, დანარჩენი თანხა - კომპანიის საკუთარი ინვესტიციებია.

 „ახალი საწარმო მეექვსეა, რომელიც USAID-ს, საქართველოს მთავრობის, და თხილის მწარმოებელთა ასოციასიის მხარდაჭერით შეიქმნა. საქარმო რეგიონის 200 ფერმერს მოემსახურება, მათ შემოსავლის ზრდას და ბაზრების დივერსიფიცირებას ხელს შეუწყობს“  - განაცხადა საწარმოს გახსნის ცერემონიაზე აშშ-ს ელჩმა საქართველოში კელი დეგნანმა.

თხილის მწარმოებელთა ასოციაციის ინფორმაციით, თხილის პლანტაციების მთლიანი ფართობი 70 000 ჰექტარამდე, მათ შორის 5 000 - კახეთში.