თბილისი (GBC) – " ისევ პირბადე, ისევ დისტანცია, ისევ დიდი რაოდენობის არასაჭირო სოციალური თავშეყრებისგან თავის არიდება ... ეპოდემიიდან 8 თვის შემდეგ ბრძოლის მეთოდები იგივე რჩება, პრემიერმა  გააფრთხილა მოსახლეობა, რომ ჯანდაცვის სისტემის რესურსი შესაძლოა ამოიწუროს, და ეს დიდ რისკებს შეიცავს.

„არავის ეგონოს, რომ რესურსი ამოუწურავია. არ არის ასე, ჯანდაცვის სისტემის რესურსი ამოწურვადია და ეს არის ყველაზე დიდი რისკი. ის წარმატება, რომელიც ჩვენ პირველი ტალღისას და პირველ ეტაპზე გვქონდა რომ გავიმეოროთ და აუცილებლად უნდა გავიმეოროთ ამისთვის საჭიროა, რომ ამ სამმა კომპონენტმა იმუშაოს ერთად - მოქალაქემ, სახელმწიფომ და დაწესებულებებმა“ - განაცხადა გახარიამ.

578 ახალი შემთხვევიდან 45 პაციენტი კრიტიკულად მძიმე მდგომარეობაშია, მათ შორის 43 მართვით სუნთქვაზე.