თბილისი (GBC) - „ზამთრის კურორტებს მუშაობა ძალიან რთულ ვითარებაში მოუწევთ, და არავინ იცის, როგორი იქნება სეზონი“ -  „რედკოს“დამფუძნებლის მალხაზ კუნელაურის თქმით, კომპანიის მფლობელობაში მყოფ მაღალი კლასის სასტუმროებში ზამთრის სეზონის დაწყებას ელიან, თუმცა ამ ეტაპზე ძნელი სათქმელია, როგორი იქნება დატვირთულობა.

„უცხოელები გასაგები მიზეზების გამო ვერ ჩამოვლენ, ასე რომ, ჩვენ მხოლოდ ადგილობრივი ტურისტების იმედი გვაქს, თუმცა, ამ ეტაპზე  ჯერ ყველა თავის იკავებს ამ მიმართულები რაიმე აქტიურობისგან. ჯერ ჯავშნები არ გვაქვს,  იმიტომ, რომ ყველა ელოდება როგორი იქნება ეპიდემიოლოგიური მდგომარეობა ნოემბერ-დეკემბერში“ - ამბობს მალხაზ კუნელაური.

მისი თქმით, თუ უახლოეს თვეებში ვითარება კორონავირუსთან დაკავშირებით არ გამოსწორდა, შესაძლებელია ზამთრის სეზონი ჩავარდეს.

თიბისი რისერჩით, ბოლო რამდენიმე კვირაა, მცხეთა-მთიანეთში, სადაც ძირითადად ადგილობრივი ტურისტები, დასასვენებლად, ბიზნესის წარმომადგენლების კი საქმიანი შეხვედრებისთვის ჩადიან, ბოლო 3 კვირაა სტაბილურად 2%w.w კლება აღინიშნება.მობილობა კახეთშია გაზრდილი.