თბილისი (GBC) - არაკომერციულ სექტორში ( განათლენა, ხელოვნება, ჯანდაცვა, კომუნალური მომსახურეობა), 2019 წლის მონაცემებით  დასაქმებული იყო 54 417 ადამიანი, რაც ბოლო 6 წლის მაქსიმუმია.

კერძოდ, 2014 წელს ამ დარგებში მუშაობდა 52 338 ადამიანი,  2015-ში - 52 762, 2016-ში - 52 920, 2017-ში - 52 873, 2018-ში - 53 028 ადამიანი.

თუმცა, ყველა ეს მონაცემი გაცილებით ნაკლებია, ვიდრე 2012 წელს, როდესაც არაკომერციულ სექტორში 82 328 ადამიანი იყო დასაქმებული, და ასევე 2013-ში - 65 670 ადამიანი.

დასაქმებულთა ყველაზე დიდი ნაწილი – 28,8% – განათლების დარგის ორგანიზაციებზე მოდის. 22,5% - ხელოვნება, გართობა და დასვენების დარგის ორგანიზაციებზე, 14,4% - ჯანდაცვა და სოციალური მომსახურების საქმიანობების დარგის ორგანიზაციებზე, 12,8% - სხვა სახის მომსახურების დარგის ორგანიზაციებზე, 9,9% - წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობების დარგის ორგანიზაციებზე, 5,2% - პროფესიული, სამეცნიერო და ტექნიკური საქმიანობების დარგის ორგანიზაციებზე, ხოლო დანარჩენი 6,4% სხვა დარგებზე ნაწილდება.