თბილისი (GBC) - კომერციული ბანკების გამოშვებული საგადახდო ბარათების რაოდენობამ, II კვარტლის მდგომარეობით 6.8 მილიონი შეადგინა. 2019 წლის II კვარტალთან შედარებით,  702 000 -ით შემცირდა  (9%-ით).  გამოშვებულ ბარათებში საკრედიტო ბარათების წილი შემცირდა 1%-ული პუნქტით,  8%-მდე. ემიტირებული ბარათები Q1/2020 თან შედარებით 2%-ით (130 ათასით) გაზრდილია.

10 სულ მოსახლეზე 18 ბარათი მოდის

გამოშვებული ბარათები საბარათე სისტემების მიხედვით:

MC – 64%

VISA – 29%

Local – 5%

AmEx – 1%

UPI – 1%

მეორე კვარტალში ქართული საგადახდო ბარათებით საქართველოში და მის ფარგლებს გარეთ სულ შესრულდა 90 მლნ ოპერაცია, თანხობრივად 6.8 მილიარდი ლარი. აქედან ოპერაციების რაოდენობის და ასევე თანხის 94% შესრულდა ქვეყნის შიგნით, ხოლო შესაბამისად 6% ქვეყნის გარეთ. სავაჭრო/მომსახურების ობიექტებში გადახდის ოპერაციების რაოდენობის წილმა სულ შესრულებულ ტრანზაქციებში შეადგინა 82%, ხოლო თანხის წილმა 37%. აღნიშნული მაჩვენებლები 4%-ული პუნქტით აღემატება წინა, პირველი კვარტლის შესაბამის მაჩვენებლებს როგორც რაოდენობრივად, ისე თანხობრივად.