თბილისი (GBC) - კორონავირუსული რეცესიის პერიოდში ყველაზე მეტად დაზარალებულ აქციებზე ორშაბათის ვაჭრობებზე მოთხოვნა მკვეთრად გაზარდა, რამაც სასესიო დღის დამაჯერებელი ზრდით დახურვა განაპირობა.

S&P500–ის სექტორებიდან, რომლებიც პრაქტიკულად ყველა გაიზარდა, ლიდერები აღმოჩნდნენ ენერგეტიკული და საფინანსო სექტორებიყ

„დღეს ბაზარს ენერგეტიკული და საფინანსო სექტორები უძღვებიან, თუმცა ბაზარი მაინც კარგადაა დაბალანსებული, – განაცხადა Inverness Counse–ის ექსპერტმა თიმ გრისკიმ. – ამ რბოლაში ყველა სექტორია ჩართული“.

Apple Inc–ისა და Amazon.com–ის აქციებმა კვლავ მძლავრად დაუჭირეს მხარი S&P 500–სა და Nasdaq–ს.

Dow Jones–ის ინდექსი 1,51%–იანი ზრდით დაიხურა 27 584,06 პუნქტამდე, S&P 500–მა 1,61% მოიმატა 3 351,6 პუნქტამდე​, ხოლო ​Nasdaq 1,87%–ით გაიზარდა – 11 117,525 პუნქტამდე​.

American Airlines–ის აქციები (Nasdaq:AAL) 3,8%–ით გაიზარდა მას შემდეგ, რაც ცნობილი გახდა, რომ კომპანიამ $5,5 მლრდ–იანი სახელმწიფო კრედიტი მიიღო.

კიდევ უფრო მეტით, 6,4%–ით გაიზარდა Boeing-ის ფასიანი ქაღალდები მას შემდეგ, რაც აშშ–ის სამოქალაქო ავიაციის ფედერალური სამმართველოს ხელმძღვანელმა სტივ დიკსონმა თქვა: უწყება ამ კვირაშივე გეგმავს 737 MAX–ის საცდელ აფრენას.