თბილისი (GBC) - გაყინული კენკრას, ხილის, და ბოსტნეულის  ქართული მწარმოებელი GlenBerries ამერიკულ ბაზარზე გადის -  კომპანიამ 1 080 ტონა ქაშერული გაყინული ბოსტნეულის სალათის 6 თვიანმიწოდებაზე შეკვეთა მიიღო  - იუწყება საიტი east. fruit. com.

კომპანიის დირექტორის რაფაილ მაღალაშვილის თქმით, აშშ-ში მილიონობით ებრაელი ცხოვრობს, და ამერიკელი პარტნიორებიც ებრაელები არიან.

„ადრე ისინი ჩინეთთან თანამშრომლოდნენ, თუმცა, დღეს პარტნიორებს სხვა ქვეყნებში ეძებენ, და ეს შანსია საქართველოსთვის. ზოგადად შტატებში გაყინულ ხილ-ბოსტნეულზე ძალიან მაღალი მოთხოვნაა, როგორც ქაშერულზე, ასევე ჩვეულებრივზეც“  - განაცხადა მან.

GlenBerries ძირითადად საკუთარ პროდუქციას ამუშავებს, რომელიც ქარელის რაიონში, 13.7 ჰექტარის ფერმაზე მოჰყავს. ამერიკულ ბაზარზე დამკვვიდრებისთვის კომპანია კიდევ 25 ჰექტარის შეძენას გეგმავს.

კომპანიის შექმნაზე 4 მლნ. დოლარის ინვესტიციები დაიხარჯა, თუმცა, GlenBerries განვითარებას აგრძელებს - კერძოდ თბილისში გაყინული ნიორის და ხახვის მწარმოებელი ქარხანა შემდება. მშენებლობა წლის ბოლოსთვის დასრულდება.

ამ ქარხანაში ასევე დაიწყება კარტოფილის ჩიფსების წარმოება.

ასევე კომპანიას აქვს 60 მლნ. დოლარის ღირებულებიოს პროექტი, რომელიც სხვადასხვა ხილის და ბოსტნეული მოსაყვანად 300 ჰექტარის ფერმის შექმნას გულისხმობს.

„ჩვენი პარტნიორები და ინვესტორები მზად არიან ფულის ჩასადებად, თუმცა, პროექტს ის აფერხებს, რომ შესაფერისი მიწის ნაკვეთი ვერ მოვიძიეთ. მივმართეთ შესაბამისი თხოვნით მთავრობას, თუმცა, უშედეგოდ  - სახელმწიფო ჩვენ ხელს არ გვიშლის, მაგრამ არც გვეხმარება“ - განაცხადა რაფაილ მაღალაშვილმა.