თბილისი (GBC)  -„ ხელი უნდა შევუშალოთ ვურუსის გავრცელებას  და ვისწავლოთ ვირუსთან თანაცხოვრება“, - პრემიერმა კლინიკური მკურნალობის ახალ სქემაზე განაცხადა, რომელიც მომზადდა ბოლო 4 თვის განმავლობაში, მძიმე შემთხვევების, მათ შორის, რისკ-ჯგუფების, ქრონიკული დაავადებების მქონე, ან 65-წელს ზემოთ ჩვენი მოქალაქეების ერთმნიშვნელოვნად სტაციონარში მკურნალობას, კოვიდ-სასტუმროებში მკურნალობას შედარებით მსუბუქი შემთხვევების, რომელთაც არ სჭირდებათ 24-საათიანი სამედიცინო დახმარება და საერთოდ მსუბუქი, ან უსიმპტომო შემთხვევების სახლში მკურნალობას ითვალისწინებს.

„სწრაფი დაბრუნება ჩვენი მოქალაქეების ნორმალურ ცხოვრებაში ნიშნავს იმას, რომ გამოჯანმრთელებული მოქალაქეები სწრაფად უნდა დაუბრუნდნენ აქტიურ ეკონომიკურ ცხოვრებას. ადაპტაციის და მართვის ეტაპზეც უნდა ვიყოთ მაქსიმალურად დისციპლინირებულები, რომ მოვიგოთ დრო, სანამ მსოფლიოში გლობალურად შეიქმნება ვაქცინა და არ უნდა გვქონდეს ილუზია, რომ ცალკე რომელიმე სახელმწიფო, მათ შორის საქართველო დაამარცხებს ვირუსს,“-გიორგი გახარიამ აღნიშნა, რომ

საგანგებო მდგომარეობის  და მკაცრი შეზღუდვების დაწესებისას, გაითვალისწინებენ როგორც ქვეყნის რესურსული, ასევე ჯანდაცვის სისტემის მდგომარეობას.

„ნებისმიერი შეზღუდვა, რომელიც თეორიულად შეიძლება იყოს დაწესებული, იქნება მხოლოდ და მხოლოდ მიზნობრივი და ლოკალური. არა სისტემური, ქვეყნის მასშტაბით.  ეს ვერ იქნება სისტემური შეზღუდვები ჩვენი ცხოვრების ისეთი მიმართულებებით, როგორიც არის ეკონომიკა, განათლება, ან თუნდაც პოლიტიკური პროცესი, საარჩევნო პროცესი“.