თბილისი (GBC) - სამშენებლო ბაზრის შედარებითი გამოცოცხლების და ეკონომიკის გახსნის მიუხედავად, ხელფასები სამშენებლო სექტორში 2019 წლის ანალოგიურ პერიოდთან შედარებით 8,5%-ით შემცირდა.

ეს ყველაზე მნიშვნელოვანი ვარდნაა დარგობრივ ჭრილში.  სააგნარიშო პერიოდში ხელფასების 14% კლებაა საფინანსო სექტორში თუმცა, ამის მიუხედავად, ეს დარგი მაინც ლიდერობს,  შემცირების შემდეგაც საშუალო ხელფასი 2 040 ლარია (საშემოსავლოს გადახდამდე).

საქსტატის მონაცემებით, 4 მოწინავე დარგს შორის, ყველაზე დაბალი ანაზღაურება მშენებლობაშია - თვეში საშუალოდ 1 620 ლარი. უფრო მაღალია პროფესიულ, ტექნიკურ, და სამედიცინო საქმიანობაში - ₾1 786,  და ინფორმაციულ ტექნოლოგიებში - ₾1 932. 

ამასთან, მშენებლობაში არა მხოლოდ ხელფასები, დასაქმებაც მცირდება - Q2/2020 - ში სექტორში დასაქმებული იყო 55 924 ადამიანი (Q1/2020 - 59 000), რაც 6 წლის ყველაზე დაბალი მაჩვენებელია .

2014 წელს სამშენებლო სექტორში მუშაობდა 69 000 ადამიანი ( 2015 - 71 000, 2016-ში - 75 000, 2017-ში - 76 000, 2018-ში - 74 000.

დასაქმების სწრადი კლება 2019 წლის პირველი კვარტლიდან, საკრედიტო რეგულაციების ამოქმედების შემდეგ აღინიშნა - Q1/2019 - 60 000, თუმცა ამას მალევე მოჰყვა აღდგენა - Q2/2019 - 69 000 (Q3/2019- 72 000, Q4/2019 - 72 600).