თბილისი (GBC) - ეტალონური მარკების ნავთობის ფასი ოთხშაბათის ვაჭრობებზე დილიდან ვარდნის დემონსტრირებას ახდენს. ინვესტორები ამერიკის ნავთობის ინსტიტუტის (API) სტატისტიკაზე რეაგირებენ.

Brent-ის მარკის ნავთობის ფასი, ნოემბერში მიწოდების პირობით, ლონდონის ბირჟაზე 0,67%–ით შემცირდა და ბარელის ფასი დილის საათებში $41,44–ს შეადგენს.

ამერიკული მსუბუქი ნავთობის WTI ნოემბრის ფიუჩერსები ბარელზე $39,45–ად იყიდება ნიუ–იორკის სასაქონლო ბირჟაზე, რაც 0,88%–ით ნაკლებია წინა სავაჭრო სესიის დახურვისას დაფიქსირებულ მონაცემზე.

ვაჭრობის მონაწილეები API-ს სტატისტიკას აფასებენ, რომლის თანახმად აშშ–ში ნავთობის რეზერვები გასულ კვირაში 0,7 მლნ ბარელით გაიზარდა. ამერიკის ენერგეტიკის სამინისტროს ოფიციალური მონაცემები დღეს საღამოს გამოქვეყნდება. ამასთან, ანალიტიკოსების პროგნოზის თანახმად, უწყება მარაგების 2,3 მლნ ბარელით შემცირების შესახებ გააკეთებს განცხადებას.