თბილისი (GBC) - საქართველო არის მსოფლიოში ერთ-ერთი მოწინავე ქვეყანა კაპიტალური ხარჯების, სახელმწიფო პროგრამების დაფინანსების ნაწილში - ეს არის მთლიანი შიდა პროდუქტის 8%“, - განაცხადა ეკონომიკისა მინისტრმა ნათია თურნავამ პარლამენტის პლენარულ სხდომაზე გამოსვლისას.

მისი თქმით ამის ნათელი მაგალითია პროგრამა „აწარმოე საქართველოში“.

„ ამ პროგრამის ფარგლებში 600-ზე მეტი ქართული საწარმო, მცირე და საშუალო სასტუმროა  დაფინანსებული. 6000-ზე მეტმა ოჯახმა მიიღო მიკროგრანტები,  და საბოლოო ჯამში შეიქმნა 34 ათასზე მეტი ახალი სამუშაო ადგილი“ - აღნიშნა მინისტრმა.

მან ასევე აღნიშნა, რომ უსაფუძლოა ბრალდებები თითქოს საქართველოს მთავრობის გადაჭარბებული საბიუჯეტო ხარჯების თაობაზე.

„პირიქით, საქართველო მსოფლიოში მე-2 ადგილზეა საბიუჯეტო ხარჯების სიმცირით მშპ-ს მიმართ. არსებობს ზოგადი საბიუჯეტო პრობლემები პამდენიის გამო გაჩერებული ბიზნესის პირობებში, თუმცა, ჩვენ ვახერხებთ უმნიშნელოვანესი ხარჯების შენარჩუნებას“ - განაცხადა მინისტრმა.