თბილისი (GBC} - პარასკევს დილით ნავთობის ფასები იზრდება, რასაც ბაზრის ანალიტიკოსები OPEC+ ფორმატში შეხვედრის შემდეგ „შავ ოქროზე“ მოთხოვნის გაზრდის იმედებს უკავშირებენ.

თბილისის დროით 10:00 საათისთვის Brent–ის მარკის ნავთობის ნოემბრის ფიუჩერსების ფასი ლონდონის ბირჟაზე 0,58%–ით გაიზარდა და ბარელზე $43,55 შეადგინა. ამერიკული WTI-ს ფასი, ოქტომბერში მიწოდების პირობით, 0,54%–ით არის გაზრდილი – 41,19–მდე ბარელზე.

ინვესტორები ოპტიმისტურად რეაგირებენ OPEC+ ფორმატში გამართული შეხვედრიდან გამოსულ ცნობებზე, ხედავენ რა, რომ „შავ ოქროზე“ მსოფლიოში მოთხოვნა იზრდება. ინვესტორებმა იმასაც მიაქციეს ყურადღება, რომ OPEC+ ალიანსის  შეთანხმების პეორე ფაზის პირველ თვეში ყველა მონაწილე ქვეყანამ პირნათლად შეასრულა ნავთობმოპოვების შემცირების პირობა. გარიგებაში მონაწილე ქვეყნებმა ჯამში 101%–ით შეასრულეს ვალდებულებები, მათ შორის რუსეთმა 98%–ით. თუ გავითვალისწინებთ მექსიკასაც, რომელიც რჩება ალიანსში, მაგრამ ნედლეულის მოპოვების შემცირებაზე უარს ამბობს, მსოფლიოში ნავთობმოპოვების შემცირების საერთო მაჩვენებელმა 102% შეადგინა იმის გამო, რომ ქვეყანაში ნავთობმოპოვება ისედაც თანდათან მცირდება.