თბილისი (GBC) - დასუფთავების აქცია იმართება მსოფლიოში მიმდინარე კამპანიის „დავასუფთაოთ მსოფლიო“ (18-20 სექტემბერი, Clean Up the World)) ფარგლებში და ის თბილისის გარდა, ჩატარდება მთელი ქვეყნის მასშტაბით.

2020 წლის მსოფლიო კამპანიის დევიზია: “every small action makes a world of difference” – „ყოველი მცირე ქმედება სამყაროს განსხვავებულს ხდის“

მიმდინარე წელს, დასუფთავების აქციები, შექმნილი მსოფლიო პანდემიდან და ქვეყანაში არსებული ეპიდემიოლოგიური სიტუაციიდან გამომდიონარე ჩატარდება მცირე რიცხოვან ჯგუფებში (10-მდე მოხალისის მონაწილეობით), სხვადასხვა ადგილას, შესაბამისი უსაფრთხოების წესების დაცვით!

დავასუფთაოთ საკუთარი სახლის, ეზოს, ქუჩის მიმდებარე ტერიტორიები და საკუთარი წვლილი შევიტანოთ მსოფლიო კამპანიაში!

კამპანია საქართველოში ტარდება  პროექტის „დავიცვათ საქართველოს სისუფთავე“ ფარგლებში, რომელიც ხორციელდება შვედეთის მთავრობის მხარდაჭერით. პროექტს ახორციელებს არასამთავრობო ორგანიზაციები „საქართველოს მწვანეთა მოძრაობა/დედამიწის მეგობრები - საქართველო“,  „დავიცვათ საქართველოს სისუფთავე“ (KGT), საქართველოს ბუნების მკვლევართა კავშირი „ორქისი“ მიერ. საქართველოს გარემოს დაცვისა და სოფლის მეურნეობის სამინისტროს, სსიპ “გარემოსდაცვითი ინფორმაციისა და განათლების ცენტრი“ და მყარი ნარჩენების მართვის კომპანიასთან თანამშრომლობის ფარგლებში.

აქციის ხანგრძლივობა 8:00-10:00 საათი

ადგილმდებარეობა: თბილისის ზღვის მიმდებარე ტერიტორია, სასატუმრო ჰუალინგის მიმდებარედ

შემოგვიერთდით, ერთად დავიცვათ საქართველოს სისუფთავე!