თბილისი (GBC) - დისტანციურად სამუშაოდ უცხოელების 1 წლით მოპატიჟებაზე, სამთავრობო პროგრამას „იმუშავე საქართველოში, TBC-capital-ი აფასებს. საინვესტიციო ბანკირები მიიჩნევენ, რომ პროგრამას შეზღუდული და მოკლევადიანი ეფექტი ექნება.

საქართველოს, როგორც ქვეყანას, უცხოელი ფრილანსერების მოსაზიდად რამდენიმე უპირატესობაც, და ნაკლიც აქვს.

უპირატესობებს შორისაა უსაფრთხოება - საქართველო ამ მხრივ გლობალური კონკურენტუნარიანობის რეიტინგში 27-ე ადგილს იკავებს. დადებითია ასევე ისეთი ფაქტორი, როგორც უცხოელებისთვის ცხოვრების ღირებულება - ამ პარამეტრში საქართველო 26-ე ადგილზეა მსოფლიოში.

საქართველო ასევე მომგებიანია უძრავი ქონების ქირის ფასით, - ამ მხრივ ქვეყანა მსოფლიოში მე-20 ადგილზეა.

ნაკლოვანებებს შორისაა ფიქსირებული ინტერნეტის სიჩქარე - 104-ე ადგილი, და ასევე მობილური ინტერნეტის სიჩქარე - 79-ე ადგილი.

საქართველო არაა ერთად-ერთი ქვეყანა მსოფლიოში, რომელიც დისტანციური მუშაობის მსურველებს ეპატიჟება. ამ მხრივ განსაკუთრებით წყნარი ოკეანეს კუნძულოვანი ქვეყნები აქტიურობენ, რომელთა ეკონომიკა მთლიანად ტურიზმზეა დამოკიდებული -  ბერმუდები, სეიშელები, ბარბადოსი, მალდივები ...