თბილისი (GBC) - თბილისში, სასტუმრო „ბილტმორში“ გაერო-ს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომა მიმდინარეობს.

შეკრებილებს გაეროს გენერალურმა მდივანმა ანტონიო გუტიერესმა მიმართა.

სიტყვით ასევე გამოვიდა ორგანიზაციის გენერალური მდივანი ზურად პოპოლიკაშვილი.

„პანდემიის გამო ტურიზმის მიმართულებები რისკის ქვეშ არის, მაგრამ დღეს ნამდვილად ისტორიული ღონისძიებაა, რადგან პანდემიის შემდეგ პირველად იმართება მსოფლიო ტურიზმის ორგანიზაციის საბჭოს სხდომა. ჩვენ ერთად ვართ ძლიერები, რაც გვაძლევს ტურიზმის აღდგენისა და ამ პროცესის მართვის უნიკალურ პოტენციალს“ - განაცხადა მან.

ღონისძიებაში 24 ქვეყნის 170-მდე წარმომადგენელი მონაწილეობს, მათ შორის ისეთი ქვეყნებიდან, როგორც ესპანეთი, საბერძნეთი, პორტუგალია, რუმინეთი, მაროკო, საუდის არაბეთი.