თბილისი (GBC) - „საერთაშორისო საფინანსო ინსტიტუტებიდან საქართველო დაფინანსებას მიიღებს ეტაპობრივად,ბიუჯეტის დახმარებისთვის, ასევე სხვადასხვა ინფრასტრუქტურული პროექტებისთვის“- უპასუხა საფინანსო-საბიუჯეტო კომიტეტის თავმჯდომარემ სესიაზე პარლამენტის თავმჯდომარის კითხვას სასესხო ხელშეკრულებებთან დაკავშირებით.

 „ყველა ეს 13 ხელშეკრულება, რომელიც წარმოდგენილია, შესაძლებლობას აძლევს საქართველოს მთავრობას მოიზიდოს 694 მლნ ევროს დაფინანსება, და გრანტი თითქმის 44 მლნ. ევრო", კოვანაძის თქმით, ამას განიხილავდნენ ანტიკრიზისული პროგრამის ფარგლებში, სულ 1.5 მლრდ -ის დაფინანსება. რატიფიცირებისთვის 13 სასესხო ხელშეკრულება განიხილეს.

"პირველი  ტრანში $200 მლნ-ზე მეტი სსფ-სგანაა (საბიუჯეტო დახმარება). ნაწილი მიემართება სებ-ის რეზერვების გასამყარებლად. საერთაშორისო ფინანსური დახმარებები  გაწერილია 2020 წლის კორექტირებულ  ბიუჯეტში გარკვეული  ვალდებულებების დასაფინანსებლად. მათ შორის პანდემიისას დაზარალებულ მმოქალაქეებისთვის.