თბილისი (GBC) - მეორე კვარტალში საშუალო ხელფასი საქართველოში 2,5%–ით, ანუ 29,6 ლარით შემთირდა და თვეში 1150,1 ლარი შეადგინა. აღნრშნული ცვლილება 2019 წლის II კვარტლის ანალოგიურ მაჩვენებელთან მიმართებაშია გამოანგარიშებული.

საშუალო თვიური ხელფასის ცვლილებების შესახებ ინფორმაციას საქართველოს სტატისტიკის ეროვნული სამსახური ავრცელებს.

ქვემოთ მოცემულ დიაგრამაზე წარმოდგენილია დაქირავებით დასაქმებულთა საშუალო თვიური ხელფასი 2014-2020 წლებში, კვარტალების მიხედვით:

საქსტატის მონაცემებით, 2020 წლის II კვარტალში, გასული წლის შესაბამის პერიოდთან შედარებით ხელფასების შემცირება შეინიშნებოდა სექტორების უმრავლესობაში.

საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში:

⦁ საფინანსო და სადაზღვევო საქმიანობები – 2 040.9 ლარი (წინა წლის შესაბამის პერიოდთან შედარებით შემცირდა 14.7 პროცენტით);

⦁ ინფორმაცია და კომუნიკაცია – 1 932.8 ლარი (გაიზარდა 7.0 პროცენტით);

⦁ პროფესიული, სამეცნიერო და ტექნიკური საქმიანობები – 1 786.9 ლარი (შემცირდა 6.0 პროცენტით);

⦁ მშენებლობა – 1 621.4 ლარი (შემცირდა 8.5 პროცენტით).