თბილისი (GBC) - რუსეთის მთავრობასთან მოქმედმა კორონავირუსთან ბრძოლის ოპერატიულმა შტაბმა ე.წ. სამხრეთ ოსეთთან საზღვრის გახსნის გადაწყვეტილება მიიღო - იუწყება РИА Новости.

შესაბამისი დადგენილება მიღებულ იქნება მთავრობის მიერ უახლოეს დღეებში.

შტაბის სხდომა ჩაატარა რუსეთის ვიცე-პრემიერმა ტატიანა გოლიკოვამ, და კონკრეტულ გადაწყვეტილებას უახლოეს დღეებში რუსეთის პრემიერ-მინისტი მიხაილ მიშუსტინი მოაწერს.

რამდენიმე დღით ადრე რუსეთთან 15 სექტემბრიდან საზღვრის გახსნის თაობაზე გადაწყვეტილება ე.წ. სამხრეთ ოსეთის პრეზიდენტმა ანატოლი ბიბილოვმა მიიღო.

მისი თქმით, ამავე დროს აუცილებელია ყველა არსებული რისკის გათვალისწინება  - კერძოდ, მედიკამენტების საჭირო მარაგის შემქნა და დაავადებულთა მიღებისთვის მზადყოფნის უზრუვნელყოფა.

ე.წ. სამხრეთ ოსეთი მეორე ტერიტორიული ერთეულია, რომელთანაც რუსეთმა სახმელეთო საზღვარი გახნსა - პირველი აფხაზეთი იყო, რომელთანაც პსოუზე მდებარე სასაზღვრო პუნტქი 1 აგვისტოს გაიხსნა.