თბილისი (GBC) - ბათუმის იუსტიციის სახლი შენობის სრული დეზინფექციის მიზნით დროებით ფუნქციონირებას წყვეტს

 8 სექტემბრიდან, ეპიდემიოლოგიური ვითარებიდან გამომდინარე, ბათუმის იუსტიციის სახლის შენობის სრული დეზინფექცია ჩატარდება. გათვალისწინებულია როგორც მომსახურების სივრცეების, „ჯასთ კაფესა“ და შეხვედრების ოთახების დეზინფექცია. მუშავდება შენობის ყველა 17 სართულზე განთავსებული სხვადასხვა უწყების სამუშაო ფართები.

იუსტიციის სამინისტროს ცნობით,  მიზანი „COVID-19“-ის გავრცელების პრევენცია და მოქალაქეებისათვის სერვისების უსაფრთხო მიწოდებაა.

ბოლო დღე-ღამეში გამოვლენილი Covid  45 შემთხვევიდან, ბათუმზე მოდის  23, მათ შორისაა ახლადნამშობიარებული ქალი, რომლის ჩვილის ტესტირების პასუხს ელოდებიან.