თბილისი (GBC) - საუდიტების სახელმწიფო ნავთობკომპანიის Saudi Aramco-ს მიერ გავრცელებულმა ინფორმაციამ, რომ ოქტომბრიდან აზიელ და ამერიკელ მყიდველებს ფასს დაუკლებს, „შავი ოქრო“ გააიაფა.

ლონდონის ბირჟაზე Brent-ის მარკის ნავთობის ნოემბრის ფიუჩერსების ფასი ორშაბათს, დილით, 1,31%–ით შემცირდა და ბარელზე $42,1 შეადგინა. წინა კვირა ამ მარკის ნავთობმა კიდევ უფრო მკვეთრი ვარდნით დახურა – 3,2%–იანი დანაკარგით.

ნიუ–იორკის სასაქონლო ბირჟაზე ამერიკული მსუბუქი ნავთობი WTI, ნოემბერში მიწოდების პირობით, 1,61%–ით გაიაფდა $39,13–მდე ბარელზე.

გასული კვირის განმავლობაში Brent-მა მთლიანობაში 6,9% დაკარგა, ხოლო WTI 7,5%–ით გაიაფდა.