თბილისი (GBC0 - კერძო საბავშვო ბაღების ასოციაციის ინიციატივით სასწავლო პროცესის დროულად განახლების მოთხოვნით  მთავრობის კანცელარიასთან აქცია გაიმართა.

აქციის მონაწილეები ბაღების არა 1 ოქტომბრიდან, არამედ მომდევნო კვირიდან გახსნის ნებართვას ითხოვენ.

ეს საკითხი აქტუალურია საქართველოში მოქმედი ყველა კერძო ბაღისთვის.

ბაგა-ბაღის „დინოს“ დირექტორის მაია ფანჯარაშვილის თქმით,  1 ოქტომბრამდე მუშაობის აღდგენაზე უარის თქმის არავითარი მიზეზები არ არსებობს.

„კერძო ბაღების უმრავლესდობა სრულად მზადაა მუშაობის დაწყებისთვის. სივრცეც გვაქვს საკმარისი, სადეზინფექციო სამუშაობს კი ყოველთვის ვატარებდით. მეტიც - დღეს კერძო ბაღები საჯაროებზე უფრო ეფექტურად შეასრულებენ უსაფრთხოების ნორმებს“ - განაცხადა მან.

ბაგა-ბაღის დირექტორის თქმით, კერძო ბაღების მუშაობის აღდგენას მშობლებიც მოითხოვენ.

„რა თქმა უნდა, 1 თვით ქვეყანა არ დაიქცევა, მაგრამ ჩვენ ფინანსური ვალდებულებები გვაქს, რომლებსაც ვერ ვისტუმრებთ. ამიტომაც, სასურველია რაც შეიძლება სწრაფად დავიწყოთ მუშაობა“ - განაცხადა მაია ფანჯარაშვილმა.