თბილისი (GBC) –  ლარი აგვისტოში 0.02%-ით გამყარდა. 3.0719-დან, 3.0714-მდე.  ივლისში კი ოფიციალური გაცვლითი კურსი, სებ-ის "თვის მიმოხილვის"თანახმად,  აშშ დოლარის მიმართ 3.0552- დან 3.0719-მდე (0.5%-ით), ევროს მიმართ კი 3.4466-დან 3.6086-მდე (4.7%-ით) გაუფასურდა.

ივლისში $/₾ კურსის მაქსიმალური მნიშვნელობა იყო 3.0779. საანგარიშო თვეში  აშშ დოლარი  3.0463 ლარზე მეტად არ გაუფასურებულა. თვის განმავლობაში საშუალო კურსიდან მაქსიმალური გადახრა კი იყო 0.5%.

საერთაშორისო სავალუტო ბაზრებზე დოლარი ევროს მიმართ 4.1%-ით გაუფასურდა, თურქული ლირის მიმართ - 1.8%-ით, რუსული რუბლთან კი 5%-ით გამყარდა.

წლიურად (Y.Y) ლარის რეალური ეფექტური გაცვლითი კურსი 1.2%-ით გამყარდა, ნომინალური ეფექტური კი 0.7%-ით გაუფასურდა.  სავაჭრო პარტნიორთაგან ივლისში წლიური ინფლაცია საქართველოში დაფიქსირებულ 5.7%-ზე მაღალი იყო მხოლოდ  თურქეთში - 11.8%,  (ბელორუსი - 5.2%, რუსეთი -3.4%, აზერბაიჯანი - 2.7%, უკრაინა - 2.4%, აშშ- 1%).