თბილისი (GBC) - პროგრამა „იმუშავე საქართველოდან“ უკვე ამოქმედდა. საქართველო შეთავაზებას 95 ქვეყანას უკეთებს. 

პრემიერი ამბობს, რომ ეს კარგი წამოწყება და საინტერესო წინადადებაა.

როგორც პრემიერ-მინისტრმა აღნიშნა, 95 ქვეყნის, დისტანციურად მომუშავე სხვადასხვა გლობალურ კომპანიის თანამშრომლებს, საქართველოს მთავრობა სთავაზობს, მინიმუმ 180 დღის განმავლობაში  დისტანციურად შეასრულონ სამუშაო ვალდებულებები.

„მოგეხსენებათ გლობალური პანდემიის პირობებში სულ უფრო და უფრო მეტი, როგორც ტრანსნაციონალური კორპორაციები ასევე, გლობალური კომპანიები გადადიან დისტანციურ მუშაობაზე და ფაქტობრივად ადამიანის გეოგრაფიულ მდებარეობას არ აქვს მნიშვნელობა იმისთვის, რომ დისტანციურად განახორციელოს თავისი უფლებამოვალეობები. რეგიონში  ერთ-ერთი საუკეთესო  მიღწევები ვირუსის მართვის დავაკონვერტიროთ კონკრეტულ შემოსავლებში ჩვენი ტურისტული სექტორისთვის. ყველაფერს გავაკეთებთ იმისთვის, რომ პირველ რიგში საქართველოში მათი ყოფნა იყოს უსაფრთხო მათი ჯანმრთელობისთვის და რა თქმა უნდა ასევე, კომფორტული. ეს პროგრამა ატვირთულია უკვე stopcov.ge-ზე,  ყველას შეუძლია ამით ისარგებლოს და შესაბამის, დეტალურ განმარტებებს ტურიზმის ეროვნული ადმინისტრაცია დღეს კიდევ გააკეთებს“, - აღნიშნა პრემიერ მინისტრმა.