თბილისი (GBC) -სტუდენტებისთვის, რომლებიც ევროპაში სწავლობენ, ბუდაპეშტის მიმართულებით ჩარტერული რეისი დაინიშნება.

გიორგი გახარიამ აღნიშნა, რომ სტუდენტებს შეღავათიან ფასებში ექნებათ ევროპაში გადაფრენის შესაძლებლობა, ავიაბილეთის ფასი 199 ევროს არ აღემატება.

„დადგინდა ახალი მიმართულება, ეს გახლავთ ბუდაპეშტი, რომელიც განხორციელდება უახლოეს პერიოდში და რომელიც მისცემს შესაძლებლობას ჩვენს სტუდენტებს, შეღავათიან ფასებში გადაფრინდნენ ევროპაში. ესენი არ იქნებიან მხოლოდ ის სტუდენტები, რომლებიც ბუდაპეშტში სწავლობენ, ეს იქნება მთლიანად ევროპის მიმართულებით და რა თქმა უნდა, აქ ბილეთის ღირებულება ვერ იქნება 199 ევროზე მეტი. მოთხოვნის შესაბამისად ამ პროგრამას გავაგრძელებთ“, – განაცხადა გიორგი გახარიამ.