თბილისი (GBC) - საქართველოში გამოკითხული საწარმოების 54.1% განიცდის ელექტროენერგიის შეფერხებას - ასეთია მსოფლიო ბანკის ჯგუფის საწარმოთა გამოკითხის შედეგები, რომელიც 2019 წლის მონაცემებს აერთიანებს. კვლევის მიხედვით, აღნიშნული მაჩვენებელი მსოფლიოში საშუალოდ 57.3%-ია.

კვლევის შედეგებით, საწარმოებში ელექტროენერგია საშუალოდ თვეში 2.2-ჯერ ითიშება და ის საშუალოდ 5 საათს გრძელდება.

კვლევაში მონაწილე კომპანიები ამბობენ, რომ ელექტროენერგიის გათიშვის გამო მათ გაყიდვები საშუალოდ 0.5% -ით უმცირდებათ, იმ პერიოდში როდესაც ელექტროენერგია არ მიეწოდებათ. მსოფლიოში საშუალო დანაკარგი ბევრად მეტია და ის მთლიანი გაყიდვების 4%-ს აღემატება.

მსოფლიო მაჩვენებელზე მაღალია საქართველოში იმ საწარმოთა წილი, რომლებიც ელექტროენერგიის შეზღუდვას მთავარ დაბრკოლებად ასახელებს - 38%. ინფლასტრუქტურის კუთხით მეორე დაბრკოლებად ტრანსპორტირება მიიჩნევა, - საწარმოთა 21.2% ამ საკითხს ბიზნესის კეთების მთავარ დაბრკოლებად ასახელებს.