თბილისი (GBC) - „ბათუმის ნავთობტერმინალმა“ 2020 წლის 6 თვეში 3 მლნ. ტონაზე მეტი ტვირთი გადაზიდა, 2019 წლის ანალოგიური პერიოდთან შედარებით 18%-ით აღემატება - იუწყება ყაზახური კომპანია „ყაზტრანსოილი“, რომელიც ტერმინალის 100%-ს ფლობს.

ამავე დროს ნავთობის და ნავთობპროდუქტების გადაზიდვები წინა წლის ანალოგიურ პერიოდთან შედარებით 16%-ით ნაკლებია.

კომპანიის განმარტებით, ეს შემცირება თურქმენეთში ნავთობგადამამუშავებელი ქარხნის რემონტით და ამავე დროს საერთაშორისო ბაზარზე ნავთობზე მოთხოვნის ვარდნითაა გამოწვეული.

მთლიანი ტვირთბრუნვის ზრდა კი მშრალი ტვირთების ტრანსპორტირების 37%-იანმა ზრდამ განაპირობა.

გარდა ამისა ზრდას ხელი შეუწყო ასევე ავია, სახმელეთო, და სარკინიგზო გადაზიდვების შემცირებამ საზღვაო ტრანსპორტის სასარგებლოდ.

კომპანიია კონსოლიდირებულმა სუფთა მოგებამ 943 000 დოლარი შეადგინა.