თბილისი (GBC) - პანდემიის მიუხედავად, საქართველოს ბანკმა წლის პირველი ნახევარი მაინც მოგებით დაასრულა. ბანკის ფინანსური ანგარიშის მიხედვით, მოგება 14 მლნ ლარია, 93%-ით შემცირებული წინა წლის ანალოგიურ პერიოდთან შედარებით (209,1 მლნ).

წლის პირველი ნახევარი ძირითადად მეორე კვარტლის 114 მლნ-იანი (წლიური ზრდა 7%) მოგების ხარჯზე დაბალანსდა. პირველი კვარტალი კი ბანკმა, ცნობილი მიზეზების გამო (ისევე როგორც მთლიანად საბანკო სექტორმა) 100 მლნ-იანი ზარალით დახურა.

2020 წლის მე-2 კვარტალში ბანკმა საპროცენტო შემოსავლების სახით 175 მლნ. ლარი მიიღო, -8,6% 2019 წლის მონაცემებთან (193 მლნ.) შედარებით, 6 თვეში კი ეს მაჩვენებელი 372 მლნ ლარია, რაც გასული წლის ანალოგიურ პერიოდთან (381 მლნ.) შედარებით 2%-ით ნაკლებია.

2020 წლის მე-2 კვარტალში ბანკმა საკომისიო შემოსავლების სახით 73 მლნ. ლარი მიიღო, რაც 2019 წლის მონაცემებთან (40 მლნ.) შედარებით 34%-ით ნაკლებია. ამავე დროს საკომისიო შემოსავალმა 6 თვეში 73 მლნ, ლარი შეადგინა (-14.6%).

2020 წლის მე-2 კვარტალში ბანკმა სავალუტო ოპერაციებისგან  შემოსავლების სახით 22,7 მლნ. ლარი მიიღო (-25%).  წლის პირველ ნახევარში კი შემოსავლები ამ მიმართულებით 53,5 მლნ ლარია, გასული წლის ანალოგიურ პერიოდთან შედარებით 7%-ით მეტია.

1 ივლისის მონაცემებით, საქართველოს ბანკა 12,5 მლრდ. ლარის სესხები გასცა, რაც 2019 წლის ანალოგიურ პერიოდთან (10,5 მლრდ) შედარებით 19.1%-ით მეტია.

საანგარიშო პერიოდში ბანკში 11,5 მლრდ. ლარის ანაბრებია განთავსებული, რაც 2019 წლის ანალოგიურ პერიოდან (8,8 მლრდ.) შედარებით 30,8%-ით მეტია.