თბილისი (GBC) - 2020 წლის 6-თვიან პერიოდში სადაზღვევო კომპანია „იმედი L” - ის ფინანსური მაჩვენებლები 2019 წლის ანალოგიურ პერიოდთან შედარებით, გაუარესდა, თუმცა, ამის მიუხედავად, ის სტაბილურად მომგებიანი რჩება.

საანგარიშო პერიოდში კომპამიამ მოიზიდა 40, 6 მლნ ლარის პრემია, მაშინ, როდესაც 2019 წლის ანალოგიურ პერიოდში - 53 მლნ.

შემცირდა მოგებაც - 2020 წლის 6 თვეში „იმედი L”-ის მოგებამ 1,4  მლნ. ლარი შეადგინა, 2019 წლის ანალოგიურ პერიოდში - 2,2 მლნ.

კომპანიის ძირითადი პროფილია სამედიცინო დაზღვევა. საანგარიში პერიოდში კომპანიას გაცემული აქვს 231 609 სადაზღვევო პოლისი, ამ დარგში მოზიდული პრემია 38,8 მლნ ლარია, ანაზღაურებული ზარალი - 22,4 მლნ.

მეორე ადგილზეა სახმელეთო ტრანსპორტის გამოყენებასთან დაკავშირებული სამოქალაქო პასუხისმგებლობის დაზღვევა - ამ სფეროში გაცემულია 27 994 პოლისი, მოზიდული პრემია - 676 388 ლარი, ანაზღაურებული ზარალი - 0.