თბილისი (GBC) - სტიქიისგან დაზარალებული ფერმერებისთვის ახალი პროგრამა ამოქმედდება.

გიორგი გახარიამ მთავრობის სხდომაზე თქვა, რომ პროგრამის „დანერგე მომავალი“ ფარგლებში გაჩნდება ახალი დამატებითი პროგრამა, რომელიც შესაძლებლობას მისცემს ქართველ ფერმერს, რომელსაც სტიქიის გამო დაუზიანდა ან გაუნადგურდა ნერგები, სახელმწიფოსგან დახმარების სახით მიიღოს უფრო ხარისხიანი ჯიშები, პროგრამა შეეხება ვაზსაც.

"სეტყვამ ბევრ ფერმერს გაუნადგურა ნერგები და გადავწყვიტეთ ახალი პროგრამის ამოქმედება. სოფლის მეურნეობის სამინისტრო ამ პროგრამით მიეხმარება ქართველ ფერმერს, მევენახეს, რომ ჩაანაცვლოს უფრო ეფექტური, მაღალი ფასის ვაზის ჯიშებით ის ჯიშები, რომელიც მოჭარბებულად არის ქვეყანაში, მაგალითად - რქაწითელი. იმ შემთხვევაში, თუ მას ასეთი სურვილი ექნება“, - განაცხადა გახარიამ.

პროგრამა დაიწყება 2020 წლის 15 ივლისის შემდგომ დაზარალებული გლეხებით.