თბილისი (GBC) - კორპორაცია Apple–ის აქციების ჯამურმა ღირებულებამ ბირჟაზე 19 აგვისტოს საღამოს ვაჭრობაზე პირველად გადააჭარბა $2 ტრლნ–ს. iPhone–ის მწარმოებელი პირველი ამერიკული საჯარო კომპანია გახდა, რომელმაც ეს ზღვარი გადალახა.

ორი წლის წინ Apple პირველი კომპანია გახდა, რომლის კაპიტალიზაციამ მილიარდ დოლარს გადააჭარბა. პირველ ტრილიონამდე საწარმომ დაახლოებით 38 წელი გაიარა – ბირჟაზე გამოჩენის დღიდან. Apple–ის შემდეგ მილიარდიანი ზღვარი Amazon–მა, Microsoft–მა და Alphabet–მა (Google) გადალახეს. მანამდე $2–ტრილიონიანი მწვერვალი საუდის არაბეთის ნავთობკომპანიამ  Saudi Aramco–მ დალაშქრა – ეს 2019 წლის დეკემბერში მოხდა. დღეს არაბული გიგანტის კაპიტალიზაცია შემცირებულია.

ბირჟაზე სესიის დახურვის მომენტში Apple–ის ერთი აქციის ფასმა $462,83 შეადგინა. სულ, თავისუფალ ბრუნვაში კომპანიას 4,7 მლრდ აქცია აქვს გაშვებული.