თბილისი (GBC) - მიუხედავად იმისა, რომ სანავთობო ბიტუმის იმპორტი ივლისში ივნისთან შედარებით გაიზარდა, წლიურ ჭრილში მაჩვენებელი მაინც მნიშვნელოვან ვარდნას აჩვენებს. შემცირებულია იმპორტი წლის პირველ ნახევარშიც.

ივლისში ქვეყანაში იმპორტირებულია 16,1 ათასი ტონა სანავთობო ბიტუმი (ივნისთან შედარებით +3,2%, წლიურად -16,6%).

იმპორტის 68,9%  (11,1 ათასი ტონა) აზერბაიჯანიდან, 26,1% (4,2 ათასი ტონა) - ერაყიდან, 5,0% (0,8 ათასი ტონა) - რუსეთიდან არის შემოტანილი.

მიმდინარე წლის იანვარ-ივლისში სულ იმპორტირებულია 57,2 ათასი ტონა  სანავთობო ბიტუმი, 31,1%-ით ნაკლები გასული წლის ანალოგიურ პერიოდთან შედარებით.

იმპორტის 59,3% (33,9 ათასი ტონა) მოდის აზერბაიჯანზე; ერაყი - 19,6% (11,2 ათასი ტონა), ირანი - 13,3% (7,6 ათასი ტონა),  რუსეთი - 5,6% (3,2 ათასი ტონა), სომხეთი - 1,6% (0,9 ათასი ტონა),  გაერთიანებული ემირატები - 03% (0,2 ათასი ტონა), თურქეთი - 0,3% (0,2 ათასი ტონა).

სანავთობო ბიტუმის იმპორტის შემცირება COVID-19-ს უკავშირდება, პანდემიამდე პროდუქტის ძირითადი იმპორტიორი ირანი იყო. შეგახსენებთ, რომ ირანი ის ერთ-ერთი პირველი ქვეყანაა, რომელთანაც საქართველომ გართულებული ეპიდმდგომარეობის გამო, საზღვარი ჩაკეტა. ამ დროისთვის სანავთობო ბიტუმი, რომელიც ასფალტის წარმოებისთვის ერთ-ერთი ძირითად კომპონენტს წარმოადგენს, ალტერნატიული ბაზრებიდან შემოდის.