თბილისი (GBC) - ხაშურის შემოვლითი 13 კმ-იანი მონაკვეთი მალე გაიხსნება.

ადგილობრივ მოსახლეობას, რომლებიც საკუთარი პროდუქციის ე. წ. "ჰამაკების ბაზრობზე" რეალიზაციას ახდენდნენ, დამშვიდება შეუძლიათ, რადგან მსგავსი ბაზრობები ახალ ჩქაროსნულ გზებზეც მოეწყობა.

შეგახსენებთ, რომ ხაშურის შემოვლითი გზა აგარა-ზემო ოსიაურის ბოლო მონაკვეთზე იწყება და სურამში მოწყობილ ახალ კვანძთან დაუერთდება არსებულ გზას. აღმოსავლეთ-დასავლეთის მაგისტრალის ახალი მონაკვეთები გვერდს აუვლიან ხაშურის ე.წ. „ჰამაკების ბაზრობას“ და მსგავსი ტიპის სავაჭრო პუნქტებს სურამში, შროშასა და ზესტაფონში.

"იმისათვის, რომ მიმდებარე სოფლების მოსახლეობამ საკუთარი პროდუქციის რეალიზაცია შეძლოს, ახალი მაგისტრალის მშენებლობის პროექტის ფარგლებში, გზის შესაბამის მონაკვეთებთან, მათთვის მოეწყობა სპეციალური, უსაფრთხო სავაჭრო სივრცეები გამართული ინფრასტრუქტურით.

ახალი სავაჭრო სივრცეები, ადგილობრივ მოსახლეობას საშუალებას მისცემს კიდევ უფრო განავითარონ ბიზნესი უსაფრთხოების და სხვა აუცილებელი სტანდარტების პირობებში", - ნათქვამია საავტომობილო გზების დეპარტამენტის გავრც ელებულ განცხადებაში.