თბილისი (GBC) - რეზიდენტების მიერ უნაღდო ხარჯვის წლიური ზრდის ტემპი სურსათის და ფარმაციის გარდა კატეგორიებში მცირედით  გაიზარდა და 31% შეადგინა.

უნაღდო ხარჯვის ზრდა სურსათსა და ფარმაციაზე სტაბილურად მაღალია და აგვისტოს მეორე კვირაში 33% და 36% შეადგინა.

ტანსაცმელზე უნაღდო ხარჯვის  ზრდის ტემპი წინა კვირასთან შედარებით  შემცირდა და აგვისტოს მეორე კვირაში y/y +25% შეადგინა.

გართობაზე დანახარჯები გაუმჯობესებას განაგრძობს და ცვლილებამ y/y -24% შეადგინა.

 ფიტნესზე უნაღდო დანახარჯები გაუმჯობესდა რეგულაციების შერბილების შემდეგ და აგვისტოს მეორე კვირაში +19% შეადგინა.

სამშენებლო მასალებზე უნაღდო დანახარჯები გაიზარდა და ცვლილებამ y/y +25% შეადგინა.

გასული კვირა შედარებით ძლიერი იყო უნაღდო დანახარჯებისთვის ავეჯსა და სხვა საყოფაცხოვრებო საქონელზე და წლიურმა ცვლილებამ 15% შეადგინა, წინა კვირის 12%-თან შედარებით.

 წინა კვირასთან შედარებით, გაიზარდა ელექტრონიკაზე უნაღდო ხარჯვის ზრდის ტემპი და y/y +10% შეადგინა

პირად ჰიგიენაზე უნაღდო დანახარჯების წლიური ზრდის ტემპი კვლავ ორნიშნა მაჩვენებელზეა და +27% შეადგინა, ხოლო სხვა სამომხმარებლო საქონელზე ხარჯვის წლიური ზრდა კვლავ ნეგატიურია და -6%-ია.

 მანქანის შეკეთებაზე უნაღდო დანახარჯები შემცირებულია (y/y +19%), წინა კვირის მაჩვეებელთან შედარებით (y/y +25%).

 აგვისტოს მეორე კვირაში საწვავზე უნაღდო დანახარჯები წლიურად -13%-ით შემცირდა.