თბილისი (GBC) - ტექსტილის პრიორიტეტულ მიმართულებად აღიარების მიუხედავად, აღნიშნული სასაქონლო ჯგუფის წილი მთლიან ექსპორტში ($1.08 მლრდ) მცირეა. ტექსტილის ნაწარმი საექსპორტო საქონლის პირველ ხუთეულშიც კი არ შედის. სამკერვალო ინდუსტრიის სუსტი მაჩვენებლები სტატისტიკური მონაცემებიდან ჩანს. 6 თვეში  (H1/2020) ექსპორტირებულია $37 მლნ -ის.

ტექსტილის ექსპორტის სტატისტიკა: H1/2020 / Q2/2020 ($)

მაისურები, ჰუდები, ტრიკოტაჟის ნაწარმი, ნაქსოვი - გატანილია  იანვარ-ივნისში $20 მლნ -ის,  აპრილ-ივნისში - $8 მლნ . 

კოსტიუმები, ტრიკოტაჟი, ნაქსოვი (მამაკაცი/ბიჭის)სა - 7 / 3 მლნ.

კომპლექტები, კომბინეზონები, ბრიჯები და შორტები - 4,5 /0.375 მლნ

ბლუზები, პერანგები და ბატნიკები ქალის ან გოგონასი, ბიუსტჰალტერები, ქამრები და ანალოგიური ნაწარმი ტრიკოტაჟისა  - 2,7 / 1,5 მლნ. დოლარი

სვიტერები, პულოვერები და ტრიკოტაჟის ანალოგიური ნაწარმი, ნაქსოვი - 1,2 / 1 მლნ

პალტოები, ლაბადები და ანალოგიური ნაწარმი ქალისა ან გოგონასათვის - 857 000/ 599 000

კოსტუმები, კომპლექტები, ჟაკეტები  (ქალი) - 278 000 /142 600

კოსტუმები, კომპლექტები (მამაკაცი) - 160 000 /41 000

 პალტო, ლაბადები და ანალოგიური ნაწარმი, ტრიკოტაჟისა, ქალის ან გოგონასი - იანვარ-ინვისი პერიოდში - 115 300 დოლარის. ეს ნაჩვენებელი ემთხვევა მე-2 კვარტლის მონაცემებს, რადგანაც პირველ კვარტალში ამ პროდუქციის ექსპორტი არ მიმდინარეობდა

 პალტოები, ლაბადები და ანალოგიური ნაწარმი მამაკაცისა ან ბიჭისა  - 104 000 / 7 000

საქართველოდან წლიურად ექსპორტზე $70 მლნ -ის ტექსტილის პროდუქცია გადის. საკმაოდ მოკრძალებული მაჩვენებელია, არა მხოლოდ საქართველოს სხვა საექსპორტო საქონელთან, არამედ სხვა ქვეყნების ტექსტილის ინდუსტრიის მაჩვენებლებთან შედარებით.

კამბოჯის მაგალითი მოვიხმოთ, მსოფლიოს  ერთ-ერთ უღარიბესი ქვეყნის, სადაც 1 სულ მოსახლეზე მშპ $1 504 -ია მოსახლეობის რაოდენობა კი 16 მლნ  (საქართველოზე 4.3-ჯერ ნაკლები მოსახლეობა-3.7 მლნ; მშპ 1 სულ მოსახლეზე - $4 700). ეკომომიკური ჩამორჩენილობის მიუხედავად, ქვეყანა ბოლო პერიოდში სამკერვალო პროდუქციის მსხვილი ექსპორტიორი გახდა.

2019 წელს კამბოჯიდან ექსპორტზე 9,5 მლრდ. აშშ დოლარის ტანსაცმელი გავიდა, ხოლო დარგში დასაქმებულ ადამიანთა რაოდენობამ 300 000-ს გადააჭარბა.

საქართველოს წლიური მაჩვენებელი, კამბოჯას ანალოგიურ მაჩვენებელს 135-ჯერ ჩამორჩება.