თბილისი (GBC ) -Ryanair-მა ივლისში მსოფლიო მასშტაბში ფრენების 40% აღადგინა. ირლანდიური დაბალბიუჯეტიანი ავიაკომპანიის Q1/2020 -ის ფინანსური ანგარიშით, კვარტლის დანაკარგმა 185 მლნ ევრო შეადგინა. covid პანდემიის  პერიოდი ავიაგადამზიდავმა „ არსებობის 35 წლის მანძილზე ყველაზე რთულ გამოწვევად? შეაფასა.

ავიარეისების 99% ამ პერიოდში გაუქმდა, ხოლო მგზავრების რაოდენობა გასული წლის ანალოგიურ პერიოდთან შედარებით 42 მლნ.-დან 500 000-მდე შემცირდა.კარანტინის პერიოდში ავიაკომპანიამ ძირითადი აქცენტი სარეპატრიაციო, სამედიცინო, და სამაშველო რეისებზე  გააკეთა.

შედეგად ავიაკომპანიის შემოსავალი 95%-ით, 2,3 მლრდ.-დან 125 მლნ. ევრომდე შემცირდა.ივლისში Ryanair-მა ფრენები განაახლა, და 2019 წლის ივლისის 40%-ს მიაღწია. ავიაკომპანიის მენეჯმენტი აგვისტოში წინა წლის ანალოგიურ პერიოდის 60%-ამდე, ხოლო სექტემბერში 70%-მდე ზრდას გეგმავს.

Ryanair ასევე აღნიშნავს, რომ საერთაშორისო საავიაციო ბაზარი კრიზისიდან უახლოესი 2-3 წელში ვერ გამოვა - მსხვილი ავიაკომპანიები ფრენებს ამცირებენ,  ეს კი Ryanair-ს, როგორც მსოფლიოში ერთ-ერთ ყველაზე იაფ ავიაკომპანიას, დამატებით შესაძლებლობებს აძლევს.

Ryanair-მა პირველი რეისი მარსელის მიმართულეებით 2019 წლის 7 ნოემბერს შეასრულა და covid -ის შემდეგ არ განუახლებია.