თბილისი (GBC) - საქართველოს  ბანკის ფინანსური ჩართულობით  შპს „ოკრიბამ“ ტყიბულში, 55 ჰ-ზე ჩაის პლანტაციები გააშენა.

აგრო პროექტის ფარგლებში რეაბილიტირებულია გაველურებული ჩაის პლანტაციები.

გარდა ამისა, კომპანიამ ჩაის გადამამუშავებელი საწარმო ააშენა. ბანკის დაფინანსებით  ჩაისსაშრობი და დაფასოების დანადგარები შეიძინა.  კომპანიამ ჩაის რეაბილიტაციის სახელმწიფო პროგრამის ,,ქართული ჩაი“ ფარგლებში სოფლის მეურნეობის სამინისტროსგან გრანტიც მიიღო. პროექტის ჯამურმა  ღირებულება  1,345,000 ლარია.

„საქართველოს ბანკი მუდმივად მზად არის მხარი დაუჭიროს პროექტებს, რომელიც ადგილობრივი, ისტორიული მნიშვნელობის წარმოების ხელშეწყობას ითვალისწინებს. ტყიბული  და ზოგადად საქართველო ცნობილი იყო მაღალი ხარისხის ჩაის წარმოებით და ეს კულტურის ნაწილი იყო. მოხარული ვართ რომ ტყიბულში ეს ტრადიცია გრძელდება და შპს ოკრიბამ  შეიძინა 55 ჰა ჩაის პლანტაციები ტყიბულის რაიონში და მოახდინა ამ პლანტაციების რეაბილიტაცია. კომპანიამ ააშენა ქარხანა, აღჭურვა ის უახლესი დაზგა-დანადგარებით, დაიწყო ჩაის გადამუშავება და ახლა უკვე  პროდუქციის ევროპის ბაზარზე გატანას გეგმავს. გვინდა წარმატებები ვუსურვოთ ჩვენს პარტნიორს ამ ისტორიულად  მნიშვნელოვანი  საქმის აღდგენაში“,- აცხადებენ საქართველოს ბანკში.