თბილისი (GBC) - "რა ხდება 5%-იანი წილის გაყიდვაზე უნდა შევუთანხმდე ბატონ დავით ნარმანიას? ", - მარეგულირებლების, მათ შორის სემეკის უფლებამოსილების გაზრდით, ქვეყნის საინვესტიციო გარემოს გაუარესების საფრთხეს ხედავს რომან გოცირიძე და შეშფოთებული რჩება. ცვლილების ინიციატორი ეკონომიკის სამინიტრო კი კმაყოფილი, ენერგეტიკულ ბაზარზე სტაბილურობის შენარჩუნებისთვის გადადგმული ნაბიჯით.

"განზრახული ტრანზაქციის უარყოფითი შედეგების განჭვრეტა/პრევენციის მიზნით" (განმარტებითი ბარათიდან) სემეკ-ი მის რეგულირებაში არსებული კომპანიის >5% წილის ტრანზაქციას დაბლოკავს, - ენერგეტიკის და წყალმომარაგების შესახებ კანონში ცვლილებები პარლამენტმა I მოსმენით მიიღო

კანონპროექტი, წილის გასხვისების მსურველ გამანაწილებელი კომპანიას, სემეკის საქმის კურსში ჩაყენებას ავალდებულებს და ინფორმირების მიწოდებას: ა) საფირმო სახელწოდება, საქმიანობის სახე და ენერგეტიკის სფეროში გამოცდილება, სარეგისტრაციო მონაცემები, სადამფუძნებლო დოკუმენტები, მაკონტროლებელი პირის (საბოლოო ბენეფიციარის) სახელი, გვარი, მისამართი და მოქალაქეობა; ბ) აქტივების შეფასების დასკვნა და აუდიტის ანგარიში საწარმოს ფინანსურ ანგარიშგებაზე; გ) შერწყმის ან/და წილის/აქციებისა ან საოპერაციო აქტივების გასხვისების ან/და მაკონტროლებელი პირის ცვლილების პირობები; დ) ინფორმაცია ფინანსური სახსრების წარმომავლობის შესახებ.