თბილისი (GBC) - საქართველოში საქმიანი ვიზიტები არცერთი ქვეყნიდან ფერხდება.პრემიერის მრჩევლის თქმით, საჭიროა მხოლოდ წინასწარ, შესაბამისი ფორმის შევსება და შესაბამის დარგობრივ უწყებასთან შეთანხმება.

ირაკლი ჩიქოვანის თქმით, საქმიანი ვიზიტით საქართველოში ჩამოსულ სტუმრებს ეკისრებათ ვალდებულება, ყოველ 72 საათში ერთხელ, საკუთარი სახსრებით ჩაიტარონ კოვიდ 19-ზე PCR ტესტი, ან გაიარონ სავალდებულო 14 დღიანი კარანტინი, ასევე საკუთარი სახსრებით.

"ეს არ ეხებათ ევროკავშირის წევრი იმ 5 ქვეყნის მოქალაქეებს/რეზიდენტებს, რომლებთანაც საქართველო უპირობოდ ხსნის საზღვრებს“, -  განაცხადა ჩიქოვანმა.

შესაბამისი ელექტრონული ფორმები, რომლის შევსებაც წინასწარ მოუწევთ როგორც ევროკავშირის ზემოთჩამოთვლილი ქვეყნების მოქალაქეებს, ასევე, ნებისმიერი საქმიანი ვიზიტის განმახორციელებელ პირებს, ხელმისაწვდომი იქნება www.StopCoV.ge-ზე.