თბილისი (GBC) - საქართველოს  ბანკისა და შპს ვივის თანამშრომლობით კახეთში, გურჯაანში, თელავსა და ალავერდში 85 ჰა ვენახი გაშენდა. მათ შორის ქართული  ვაზის ძველი ჯიშის: ქისი, კახური მწვანე, საფერავი.

კომპანია პროექტის მომავალ წელს 5-8 ტ მოსავალს ელის. პროექტში ბანკის თანამონაწილეობა 4,6 მლნ ლარს შეადგენს.  კომპანია 125 ჰა ვენახს ფლობს.

შპს ვივი 2021 წელს  ქარხნის მშენებლობასაც გეგმავს. კომპანია სეზონურ სამუშაოებზე დაახლოებით 150 ადამიანს  ასაქმებს.

„მოხარული ვართ რომ შპს ვივისთან თანამშრომლობით მათ ვენახებს დამატებით 85 ჰექტარი  შეემატა. ეს მათ მისცემს წარმოების გაზრდისა და ახალი სამუშაო ადგილების შექმნის შესაძლებლობას. ჩვენ მუდმივად მზად ვართ წავახალისოთ ისეთი ინიციატივები, რომელიც მიმართულია ბიზნესის განვითარებისა და ეკონომიკური დოვლათის შექმნისკენ. გვინდა წარმატებები ვუსურვოთ კომპანიას და საკუთარ თავს იმ საქმეში, რაც ღვინის სექტორის განვითარებას კიდევ უფრო მეტად შეუწყობს ხელს“,-  განაცხადა ზურაბ ქოქოსაძემ საქართველოს ბანკის კორპორაციული საბანკო მიმართულების ხელმძღვანელმა.