თბილისი (GBC) - დღეიდან იპოთეკური სესხების სუბსიდირების გადაწყვეტილება ძალაშია.

ბინათმშენებლობისა და სამშენებლო სექტორის მხარდაჭერის მნიშვნელობაზე ეკონომიკის მინისტრმა კიდევ ერთხელ ისაუბრა.

„სახელმწიფო პროგრამას იპოთეკური კრედიტების მხარდაჭერის შესახებ,  სააგენტო „აწარმოე საქართველოში“ განახორციელებს. ის 2 კომპონენტს მოიცავს სუბსიდირებას და გარანტიას,“-  განაცხადა ნათია თურნავამ.

მთავრობა 5 წლის განმავლობაში, იპოთეკური სესხების საპროცენტო განაკვეთის 4%-ს (70 მლნ -ია გათვალისწინებული) დაასუბსიდირებს ყველა იმ იპოთეკურ კრედიტზე, რომელიც წლის ბოლომდე გაფორმდება. სუბსიდირება შეეხება მხოლოდ 200 000 ლარამდე სესხს მხოლოდ ეროვნულ ვალუტაში. 

2019-20 წლებში მშენებარე ობიექტებში 25 000 იპოთეკური სესხია გაცემული, რომელიც ჯერ დასრულებული არ არის. 

 თანაუზრუნველყოფის კომპონენტის ბიუჯეტი 14 მლნ-ია. სახელმწიფო გასცემს იპოთეკური სესხების გარანტიას 20%-ის, ეს ნაწილი 5 წელზე  და წლის ბოლომდე დამტკიცებულ სესხებზე გავრცელდება.