თბილისი (GBC) - უნდა შევქმნათ სისტემა, რომელიც სწრაფად გამოავლენს ინფიცირებას, სწრაფად უმკურნალებს მოქალაქეს და დააბრუნებს ნორმალურ ცხოვრებაში, -  პრემიერმა დიპკორპუსის წარმომადგენლებთან ლუგარის ლაბორატორიის შექმნაში აშშ-ს წვლილზე ისაუბრა.

გიორგი გახარიამ აღნიშნა, რომ ამერიკის შეერთებული შტატების გარეშე ეს ლაბორატორია ვერ შეიქმნებოდა საქართველოში.

"თუ NCDC მაგალითად ეპიდემიის დაწყების პირველ დღეებში დღეში 100-150 PCR ტესტს აკეთებდა, დღეს NCDC-ის შეუძლია გააკეთოს ქვეყანაში 4500 PCR ტესტი.  ჩვენი ამოცანა არის, რომ წლის ბოლომდე ჩვენ, საქართველოში უნდა შეგვეძლოს 10 000 PCR ტესტის გაკეთება ერთ დღეში. ეს არის ის აუცილებელი პირობა, რომელიც გვაძლევს შესაძლებლობას, რომ ჩვენ უფრო თამამად გავხსნათ ეკონომიკა“, - განაცხადა გიორგი გახარიამ.