მაისში იწურება 3 თვიანი საშეღავათო პერიოდი, რომლითაც საცალო მსესხებლის უმეტესობა სარგებლობს და ასევე კომპანიები. 17+ მლრდ -ის გადავადებული სესხების ბენეფიციართა 90% საცალო კლიენტია (წყარო სებ-ის ვიცე-პრეზიდენტი პაპუნა ლეჟავა).

სავარაუდოდ დროებით უმუშევარ მსესხებელს, რომელიც 6 თვით 200-200 ლარით კომპენსირდება, ვალის რესტრუქტურიზაცია დასჭირდება.

თუ დამატებითი შემოსავალი აქვს ალბათ 200 ლარს სესხის დასაფარად მიმართავს. თუ არ აქვს და პენსიონრებივით წინსმწრებად გაისტუმრეს, მაშინ აგვისტო-სექტემბერში დარჩება უსახსროდ, იგივე გამოწვევის წინაშე.

₾1 200 კომპენსაციის მიმღები, ანტიკრიზიული გეგმის თანახმად, 350 000 ბენეფიციარია და ბიუჯეტი - ₾460 მლნ. მათთან ერთად ბანკის მსესხებლად და შესაბამისად შეღავათის მსურველად, ₾300 ერთჯერადი დახმარების მიმღები თვითდასაქმებულიც (ტაქსის მძღოლი, ძიძა, პედაგოგი...) მოიაზრება (ბენეფიციარების რაოდენობა დასაზუსტებელი, ბიუჯეტი - ₾75 მლნ)