საშემოსავლო გადასახადის საშეღავათო სუბსიდია 250 მლნ ლარია. ₾750 ხელფასს საშემოსავლო გადასახადი (20%) ეხსნება და >₾1 500 ხელფასის მხოლოდ ნაწილი იბეგრება მაგ: მხოლოდ 1500 - 750 = 750, რაც საგადასახადო კოდექსში ცვლილებებს საჭიროებს და რომელიც პარლამენტს ჯერ არ დაუმტკიცებია და შესაბამისად არ ამოქმედებულა. საკანონმდებლო მხარდაჭერას საჭიროებს ქონების 1% -იანი გადასახადის მოხსნაც, რომლის ნოემბრამდე გადავადებითაც, ტურიზმის ბიზნესიდან, 4 500 მეწარმე სარგებლობს (ვისაც გასტუმრება აპრილში უწევდა). თავდაპირველი გადაწყვეტილებით ვალდებულება გადავადდა, მოგვიანებით კი გადასახადისგან გათავისუფლებაზე გახდა ცნობილი.

ანტიკრიზისული გეგმით, 0-1 000 სარეიტინგო ქულიანი 21 000 ოჯახისთვის (130 000 მოქალაქე) ₾13 მლნ სოციალური დახმარებაა გათვალისწინებული, 65 000-100 000 ქულიან 70 000 ოჯახისთვის (190 000 მოქალაქე) ₾45 მლნ და 40 000 შშმ პირისთვის 25 მლნ ლარი.