თბილისი (GBC) - საპენსიო სააგენტო სპეცდეპოზიტარის ტენდერის დასკნით პროცედურას გადის, რომელთანაც 3 წლიანი ხელშეკრულება უნდა გააფორმოს. შერჩევის პრიცესს სრულად უძღვებოდა საინვესტიციო საბჭო და მსოფლიო ბანკის კონსულტანტი. შერჩევაში დაინტერესება გამოხატა ორმა ადგილობრივმა ( საქართველოს ბანკი; თიბისი ბანკი ) და ერთმა უცხოურმა კომპანიამ (სომხეთის ცენტრალური დეპოზიტარი).

2020 წლის 6 იანვარს გამოაცხადა დაგროვებითი საპენსიო სქემის სპეციალიზებული დეპოზიტარის მომსახურების საჯარო ელექტრონული შესყიდვის პროცედურა, რომელიც ხელმისაწვდომი იყო, როგორც ადგილობრივი ასევე საერთაშორისო დაინტერესებული ორგანიზაციებისათვის.

სპეციალიზებული დეპოზიტარის ძირითადი მოვალეობებია ფასიანი ქაღალდების დეპონირება, საპენსიო აქტივების რეგულარული აღრიცხვა, ანგარიშგება და კანონით განსაზღვრული სხვა ფუნქციების შესრულება.

ამ ეტაპზე, კანდიდატთან მოლაპარკება დასრულდა და საბოლოო გადაწყვეტილების შემდგომ მემორანდუმი უნდა წარედგინოს საპენსიო სააგენტოს დირექტორის მოვალეობის შემსრულებელს ხელმოსაწერად.