თბილისი (GBC) - მერიის ცნობით, ჭავჭავაძის გამზირის რეაბილიტაცის სრულდება.11 მაისს, 06:00 საათიდან 12 დღის განმავლობაში საავტომობილო მიმოსვლა შეიზღუდება ვარაზისხევიდან ატენის ქუჩამდე მონაკვეთში, სადაც ასფალტის საფარი იგება.

სულ, დაიგება 60 000 მ²-ზე. სარეაბილიტაციო არეალი 2.5 კმ ია. პროექტის ფარგლებში, შეიცვალა და რეაბილიტირდა სანიაღვრე ქსელი მოეწყო ბორდიური, ტროტუარი მოპირკეთდა ბუნებრივი ქვის ფილებით, მოეწყო ველობილიკი, უსაფრთხოების მოაჯირები და ბარიერები დამონტაჟდა.

შშმ პირთათვის გამზირი სრულად ადაპტირდება. გარე განათების ქსელი შეიცვლება და დამონტაჟდება ახალი, თანამედროვე სტანდარტებისა და დიზაინის ლედ განათების სისტემა, ელექტროსადენები კი მიწის ქვეშ მოექცა. ასევე, დამონტაჟდა სახანძრო ჰიდრანტები, ნარჩენების შემკრები კონტეინერები, მოეწყო ახალი გაჩერებები და საზოგადოებრივი ტრანსპორტისთვის გამოყოფილი სპეციალური ზოლები. 

სარეაბილიტაციო სამუშაოებს კომპანია „ჯეუ გრუპი“ ასრულებს. ჭავჭავაძის რეაბილიტაციაზე დედაქალაქის ბიუჯეტიდან 15 მლნ ლარი დაიხარჯა.