თბილისი (GBC) - COVID -19 -ის პანდემიის  მიუხედავად, გურიაში, სოფელ ვაკიჯვარში მდებარე საკალმახე მეურნეობა გაფართოების გეგმას არ ცვლის.

მეურნეობას  საგანგებო მდგომარეობის მიუხედავად,  მუშაობის პროცესი არ შეუჩერებია. აქ  59 მოქმედი აუზია, რომელიც 7 ჰა-ზეა გაშენებული.

მეურნეობაში წლიურად 250 ტონა კალმახს და 3 ტონა ხიზილალას აწარმოებენ,

საკალმახეს დირექტორის ოთარ ჩხარტიშვილის თქმით, იგეგმება თანამედროვე ტექნოლოგიების დანერგვა, რათა ადგილზე მოხდეს  პროდუქციის დაფასოება და ამ მიზნით სახელმწიფო პროგრამებში ჩართვას გეგმავს.

ვაკიჯვრის საკალმახე მეურნეობა 2006 წლიდან ფუნქციონირებს და წლებია, რაც უკვე მაღაზიათა ქსელის "ნიკორას" ერთ-ერთი შვილობილი კომპანიაა.

 2014 წელს მეურნეობაში 4 მილიონ ლარზე მეტი ინვესტიცია ჩაიდო, საიდანაც 1 300 000 ლარი კომპანიამ „ერთიანი აგროპროექტის“ ფარგლებში მიიღო.