თბილისი (GBC) - რაჭული ლორის და ღვინის წარმოება პანდემიის გავრცელების მიუხედავად არ შეფერხებულა. სახელმწიფო რწმუნებული არჩილ ჯაფარიძე საოჯახო მეურნეობებში არსებულ მდგომარეობას გაეცნო.

თამაზი ნატმელაძის ეაჭული ლორის საოჯახო საწარმო ყოველწლიურად 4 ტონამდე ლორს ამზადებს, ბუნებრივ პირობებში, მოთხოვნა მზარდია. მეწარმის თქმით, საგანგებო მდგომარეობის გამო რესტორნები აღარ ფუნქციონირებს თუმცა, რეალიზაციას შეუფერხებლად ახერხებს, განსაკუთრებული მოთხოვნა სწორედ ჩამოსული სტუმრებისგან არის. საწარმოში ჯერჯერობით ოჯახის წევრების გარდა, 3 ადამიანია დასაქმებული.

ჭრებალოში საოჯახო მარან „ილიასეულს“ ვენახები 1400 კვადრატულ მეტრზე აქვს გაშენებული.

ილია კენჭაძის თქმით, ვენახები 1400 კვადრატულ მეტრზე აქვს გაშენებული, ჯიშთა ძირითადი მიმართულება ალექსანრეულ-მუჯურეთულია, თუმცა სხვა ენდემური ჯიშებიც იზრდება.