თბილისი (GBC) - გერმანიიდან ქვეყანაში 15 000 ტესტი შემოვა და მთლიანობაში მარაგი 16 000-მდე გაიზრდება.

"ერთ-ერთი ჩარტერით, ხვალ ტესტების დიდი პარტია ჩამოვა. ახლა, როცა პირდაპირ ეთერში ვართ, 15 000-მდე ტესტი გერმანიიდან ვარშავის ჩარტერით მოდის. ამ ჩარტერს ჩვენი თანამემამულეები ევროპიდან გადმოჰყავს. ახლა მარაგშია 9 000-მდე ტესტი", - განაცხადა ამირან  გამყრელიძემ.

დაავადებათა კონტროლის ეროვნული ცენტრის ხელმძღვანელის თქმით, დამატებით ტესტებს საქართველო ჩინეთიდან მიიღებს და ტესტების რაოდენობა 60 000-მდე იქნება. მისივე თქმით, მაისის დასაწყისამდე 100 000 ტესტის გარანტია აქვს ქვეყანას და თამასა მაის-ივნისში 100 000 იქნება.